Kjempeoppslutning om landbruksmøtet på Skei

Rundt 400 personar vil møte landbruksminister Jon Georg Dale.

Det er svært stor oppslutning om det landbrukspolitiske møtet Sogn og Fjordane Bondelag skipar til på Skei. Møtet tok til klokka 11 i dag, og over 400 personar har møtt fram.

Opprør
Bakteppet er den nye stortingsmeldinga om den framtidige landbrukspolitikken som har møtt kvass og massiv kritikk frå bondehald.
- Eit bondeopprør er på gang, sa styremedlem i Sogn og Fjordane Bondelag, Nils Magne Gjengedal, i førre veke og oppmoda folk om å stille opp. Den oppmodinga har mange følgt.
Nokre stikkord er sentralisering, effektivisering og konkurranse. Bondelaget meiner meldinga legg opp til ei utvikling som fører landbruket i feil retning, og at meldinga bryt med vedtekne politiske mål for landbruket.

Debatt

Landbruks- og matminister Jon Georg Dale (FrP) møter leiar i Norges Bondelag, Lars Petter Bartnes til debatt. Også fylkesleiar Anders Felde deltek som innleiar.


Firda Tidend kjem tilbake med breitt refrat frå møtet i neste avis.