Fem bilar involverte i uhell på Utvikfjellet

Ein bil har rygga inn i fire andre bilar på FV60 over Utvikfjellet, melder Vest politidistrikt på Twitter torsdag ettermiddag.

Førar av bilen som har rygga har fått førarkortet kverrsett og blir køyrd med ambulanse til Førde for sjekk, skriv Vest politidistrikt kl. 14.40.

Hendinga fann stad på nordsida av fjellet, i bakkane mellom Karistova og Utvik.