Isklassikaren Pinup forsvinn som småis
Den tradisjonsrike pinneisen Pinup vil ikkje lenger bli å finne som småis i isdisken denne sommaren.
– Det er framleis mogleg for alle som har isen som sin favoritt, å kjøpe han i fleirpakning, seier direktør for strategi og kommunikasjon Mari Ellestad i Diplom-Is til Romerikes Blad.
Den tradisjonsrike pinneisen vart først lansert i 1950 og gjekk då under namnet Sjokoladepinne.
Artikkelen held fram under annonsen.
Også Kræsj Green, Royal Trippel sjokolade og Smarties pop-up forsvinn frå marknaden.
– Det kan vere ulike grunnar til at vi fjernar produkt, til dømes endra behov i marknaden, generell etterspurnad eller for å gjere plass til nye produkt, seier Ellestad. (©NPK)
