Internasjonaliseringspris til Brødrene Aa
Brødrene Aa mottok tysdag Vestlands internasjonaliseringspris Villsauen for 2020.
Det melder Bergen Næringsråd i ei pressemelding.
Båtbyggjarane i Hyen er leiande i utvikling av lettvekt, lågutslepp og utsleppsfrie hurtigbåtar.
Artikkelen held fram under annonsen.
Med 180 tilsette frå 12 ulike nasjonar og ein omsetnad på 403 millionar kroner, er verksemda ein hjørnestein i lokalsamfunnet. Dei har leiande industrikompetanse og representerer ein lang og stolt verftstradisjon i Vestland.
– Juryen er imponert over at verftet i Hyen kontinuerleg har brukt betydelege ressursar på utvikling og innovasjon, noko som har gjort dei leiande i segmentet sitt globalt. Dei siste åra har selskapet fått internasjonal merksemd for skipa «Vision of the Fjords», som er verdas første hybridskip i hydrokarbon, og «Future of the Fjords», som er heilelektrisk, heiter det i pressemeldinga.
Norsk verftsindustri opplever sterk internasjonal konkurranse, men juryen meiner at årets Villsau er eit svært godt døme på ei bedrift som har evne og vilje til å omstille seg til å vere konkurransedyktig.
Den internasjonale prisen Villsauen blir i år delt ut 18. gong, i eit samarbeid mellom Vestland fylkeskommune og Bergen Næringsråd. Føremålet er å gje merksemd til innovative verksemder som etablerer seg i utanlandske marknader på permanent basis.
Årets jury har bestått av fylkesordførar Jon Askeland, Per Øyvind Sævartveit (Tizir Titanim, prisvinnar 2019), Nina Broch Mathisen (Innovasjon Norge), og Marit Warncke (Bergen Næringsråd).
Tidlegare vinnarar av Villsauen er:
2019: Tizir aluminimum & iron
2018: Dirtybit
Artikkelen held fram under annonsen.
2017: Servogear
2016: Vimond Media Solutions
2015: ItsLearning
2014: StormGeo
2013: ClampOn
2012: Solberg Scandinavian
2011: Fjord Tours
2010: Janus
Artikkelen held fram under annonsen.
2009: Aanderaa Instruments
2008: Wema Systems
2007: TTS Marine
2006: Lerøy Seafood Group
2005: Vizrt
2004: Framo Engineering
2003: Mecmar