Ingen streikar i Gloppen

– Vi har ingen tilsette som er i streik, seier kommunedirektør Anders Skipenes.

I mange kommunar er Unio-organiserte, det vil seie tilsette ved skular, barnehagar og innan helse og omsorg, tekne ut i streik, men så langt er ikkje Gloppen kommune råka.

– Det er varsla opptrapping av streiken og ei ny runde med uttak, men Gloppen er heller ikkje på lista der. Stad og Kinn kommunar har fått varsel om at tilsette der kan bli tekne ut i andre runde. Tilsette i Gloppen kan eventuelt bli tekne ut i seinare runder om streiken blir langvarig, seier Anders Skipenes.