Hundre utsleppsrådgjevarar skal gjere landbruket meir miljøvenleg
Norsk landbruksrådgiving (NLR) har utdanna 100 rådgjevarar for å hjelpe norske bønder med å kutte utslepp.
Først skal NLR starte med å rådgiving til bønder som dyrkar bygg, men målet er at kvar enkelt bonde skal redusere klimagassutsleppa med 10 prosent, skriv NRK Oslo og Viken.
Tiltak for å kutte i utsleppa kan vere drenering, meir effektiv gjødsling eller omlegging til biodrivstoff.
Artikkelen held fram under annonsen.
Ole Kristian Bergerud, leiar i Østfold Bondelag, seier han er positiv til opplegget.
– Det viktigaste er at vi kan vere med og gjere dei rette tiltaka for å ta vare på klimaet vårt. Det er antakeleg vi i landbruket som vil merke det først, seier Bergerud til NRK.