Ho toppar SV-framlegg til valet

Glopparen Hege Lothe står på toppen av nominasjonsnemnda i Vestland SV sitt listeframlegg for Sogn og Fjordane valkrins til stortingsvalet neste år.

Aadne Gloppestad aadne@firdatidend.no

Publisert: 14.10.2020 12:33 Sist oppdatert: 14:32

– Vi er veldig glade for at Hege Lothe er vår 1. kandidat og er trygge på at med hennar erfaring og engasjement vil vi gå inn i ein valkamp med saker som handlar om ein politikk for dei mange og ikkje for dei få i Sogn og Fjordane valkrins, seier leiar for nominasjonsnemnda, Bente Nilsen, i ei pressemelding.

Mellom dei fem første kandidatane ønskte nominasjonsnemda å prioritere ein frå kvar av dei tre regionane, ein ungdomsrepresentant og ein med minoritetsbakgrunn.

– Vi er veldig nøgde med at vi har fått det til. 2. kandidaten vår, Hans Christian Knudsen, er berre 21 år, men likevel erfaren i ungdomspartiet SU og er i tillegg folkevald, seier Nilsen.

Hege Lothe har stilt seg til disposisjon for partiet og er klar for å kjempe om ein plass på Stortinget.

– Sogn og Fjordane har både kultur, natur og næring som er viktige å ta vare på, kjempe for og utvikle inn i framtida. Difor vil eg arbeide for vår plass i verda, for eit sjølvstendig Sogn og Fjordane, for internasjonal solidaritet, for klima og for mindre forskjellar mellom folk, seier ho i presssemeldinga.