Hestetun på topp, Helle på andreplass

Arve Helle frå Fjaler Ap vart valt som andrekandidat på Vestland Ap si fylkestingsliste på nominasjonsmøtet i Førde i helga. Fylkesordførar i Hordaland og utflytt årdøl, Anne Gine Hestetun, toppar lista.

Møtet samla 149 delegatar frå Hordaland Arbeidarparti og Sogn og Fjordane Arbeidarpart. I tillegg til nominasjon stod også godkjenning av nytt partiprogram på agendaen.

– Eg stolt og audmjuk over tilliten partiet har vist meg, og eg ser verkeleg fram til å drive valkamp i lag med Anne Gine og resten av denne flotte gjengen, seier Helle.

– Eg er oppteken av å byggje sterke bu- og arbeidsområde i den nye regionen. Med bakgrunn frå ein liten distriktskommune er eg sjølvsagt oppteken av ein desentralisert vidaregåande skulestruktur som ein viktig del av dette.

  – Nye Vestland med
sine over 600.000 innbyggarar, store naturressursar og innovativt næringsliv
har alle føresetnadar for å bli ein motor i utviklinga av framtidas Norge, meiner
Arve Helle.

  Glopparane Torbjørn
Vereide og Sandra Tenud står på høvesvis 8. og 19. plass på lista.

Arbeidarpartiet sine fylkestingskandidatar – topp 20:

1. Anne Gine Hestetun

2. Arve Helle

3. Jannicke Clarke

4. Emil Gadolin

5. Karianne Torvanger

6. Stian Jean Opedal Davies

7. Kine Bratli Dale

8. Torbjørn Vereide

9. Nina Bognøy

10. Rasmus Laupsa Rasmussen

11. Linda Merkesdal

12. Per Jarle Valvatn

13. Senea Sabanovic

14. Kjell Gitton Håland

15. Katrine Johannessen

16. Eirik Haga

17. Kristin Maurstad

18. Johannes Bysheim

19. Sandra Tenud

20. Tommy Aarethun