Helse Førde i gul beredskap
Helse Førde set i verk ei rekkje tiltak i samband med ekstremvêret Gyda.
Det melder helseføretaket på nettsidene sine.
Tiltaka er mellom anna:
Artikkelen held fram under annonsen.
* Der det er mogeleg og blir vurdert som naudsynt, vil Helse Førde bemanne opp med ekstra helsepersonell på ambulanseoppdraga.
* Det vert auka vaktordning på dagambulansane, slik at desse går i døgnvakt ved stasjonane i Stryn, Lærdal og Sogndal fram til og med fredag.
* Sognefjorden indre skal dekkast med bruk av redningskøyta på Leikanger.
* Det vert arbeidd med å skaffe dispensasjon for å kunne bruke den nye tunnelen i Kjøsnesfjorden for ambulansar i uvêrsperioden.
* Det er etablert ei felles kommunikasjonsløysing i naudnett for helseføretak, kommunar, naudetatar, statsforvaltar og andre viktige samfunnsaktørar.
