Hasjtørke har ført til at fleire vil dyrke kannabis sjølveIllustrasjonsfoto: Sara Johannessen/NTB scanpix/NPK.

Hasjtørke fører til auke i heimedyrking

Politiet er urolege for den store auken i kortreist kannabis, etter at koronakrisa har ført til at fleire dyrkar hasj heime, i mangel på andre tilbod.

Politiet har i vår sett ein markant auke i talet på beslag av hasjfrø i posten sidan starten på koronakrisa.

– Vi snakkar om ei 10–20-dobling av talet på beslag av kannabisfrø, seier kontorsjef ved Austlandsterminalen Lars Teigen til VG.

Hasjtørken har ført til at fleire vil dyrke sjølve, fortel seksjonsleiar Svein Olav Grini i Søraust politidistrikt til NRK, og fryktar at ein berre ser toppen av isfjellet. Grini får støtte frå professor i kriminologi, Sveinung Sandberg.

– Eg vil tru at det er naturleg at det er ein auke. Folk prøver å dyrke sjølve når det er vanskeleg å få tak i andre stader, seier Sandberg.

(©NPK)