Hærverk og tjuveri på Vassenden
Dei har vore flittige dei som natt til laurdag var på ferde ved lagerområdet til Ivar A Sunde AS. Der har ubedne gjester plassert ein bilhengar i elva, bøygt eit par hydraulikkspakar på ei tømmervogn og elles rive ut hydraulikkslangar på to traktorar som sto parkerte.
- Det er ikkje dei store skadane, men det er irriterande, seier Karl Ivar Sunde som fortel at politiet er kontaktqa om saka.
I same området vart det også stole ein hjullastar natt til laurdag. Den vart køyrd på E-39 mot Vassenden og der stoppa av politiet. To gutar i tenåra vart tekne hand om og frakta heim. Saka vil få etterspel, ifølgje politiet.