Grunneigarar ankar dom om gruvedrift i Engebøfjellet
Arctic Mineral Resources (AMR) ankar dommen frå Borgarting lagmannsrett i søksmålet mot Nordic Rutile.
AMR og Nordic Rutile har kniva om retten til gruvedrift i Engebøfjellet ved Førdefjorden i Sunnfjord, og i oktober vann Nordic Rutile (NRU) rettssaka i Borgarting lagmannsrett.
No er det klart at AMR ankar dommen til Høgsterett. Selskapet er eigd av fleire grunneigarar rundt Engebø, og dei ønskjer å vinne ut granat utan dagbrudd og deponi, skriv NRK.
Artikkelen held fram under annonsen.
Gruveprosjektet er omstridd, mellom anna fordi NRU vil deponere 250 millionar tonn overskotsmassar i Førdefjorden. Dei skal etter planen vinne ut minerala rutil og granat.
NRU er eit heileigd dotterselskap av Nordic Mining. (©NPK)