Føreslår å leggje ned femti distriktsarbeidsplassar
– Der sit det ein god del tilsette som vi meiner ikkje har nokon funksjon lenger.
Politiets Fellesforbund opplever at alle dei som jobbar med lønn og rekneskap i Kristiansund ikkje har nok å gjere.
I 2017 blei Politiets lønns og rekneskapssenter oppretta i Kristiansund der det jobbar rundt 50 tilsette.
Artikkelen held fram under annonsen.
I ei høyring om statsbudsjettet i justiskomiteen foreslår Politiets Fellesforbund no å leggje ned senteret for å styrkje grunnberedskapen og auke vidareutdanninga.
– Der sit det ein god del tilsette som vi meiner ikkje har nokon funksjon lenger i politiet. Der kan ein finne ganske mange millionar som kan omdisponerast og brukast til noko anna, seier Unn Alma Skatvold, leiar i Politiets Fellesforbund til NRK Møre og Romsdal.
Avdelingsleiaren på kontoret i Kristiansund kjenner seg ikkje igjen i det som Skatvold påstår. Ho er klokkeklar på at det er eit stort behov for dei.
– Dei oppgåvene vi utfører her er heilt nødvendige og lovpålagde. Viss ikkje vi skal gjere dei her så må nokre andre gjere dei, og då er det ikkje noko å spare på det, seier Marit Reitan.
(©NPK)
