Fleire nordmenn heime i jula – strammare økonomi truleg årsaka
Nær 1,7 millionar nordmenn skal ut å reise i jula. Det er 4 prosent færre enn i 2021.
Det viser ei fersk undersøking gjort av Respons Analyse på vegner av Fremtind, forsikringsselskapet til Sparebank 1 og DNB.
Av dei som skal på tur, er det flest som skal besøkje venner og familie. Mange skal på hytta. Dei fleste kjem til å bruke eigen bil, og det er venta over 950.000 bilistar på vegane i jula.
Artikkelen held fram under annonsen.
– Årets juleferie har få fridagar. Då vil mange reise samtidig, og det kan fort by på lange køar og problem. Hugs å berekne ekstra tid på utfarten, tilrår Therese Hofstad-Nielsen, som er skadeførebyggjar i Fremtind.
Litt over til 200.000 nordmenn, eller kring 5 prosent, oppgir at dei skal til utlandet i jula. I 2019, før pandemien, var tilsvarande tal 7 prosent. (©NPK)
