Fire nye smitta i Gloppen
Det siste døgnet er det registrert fire nye koronasmitta personar i Gloppen, opplyser kommunen i ei pressemelding torsdag.
Alle dei smitta er nærkontaktar til tidlegare smitta.
Av dei smitta er éin knytt til Mona barnehage og éin knytt til Gloppen ungdomsskule.
Artikkelen held fram under annonsen.
14 personar er no i isolasjon. Alle andre er friske og ute av isolasjon. Nokre har hatt influensaliknande symptom, dei fleste med milde symptom.
Ingen har så langt vore alvorleg sjuke.
Totalt tal koronasmitta personar i Gloppen sidan smitteutbrotet starta 22. oktober, er no 73.
