FHI tilrår å prioritere tredje dose med koronavaksine
Folkehelseinstituttet snur og tilrår no å prioritere tredje dose med koronavaksine framfor influensavaksinasjon til personar over 65 år i Noreg.
Heilomvendinga kjem éin månad etter at FHI tilrådde det motsette, og kjem fram i eit brev sendt til kommunane, helseføretak og statsforvaltarar.
Årsaka til at FHI har snudd, er at spreiinga av influensavirus lèt vente på seg, medan spreiinga av covid-19 aukar raskt.
Artikkelen held fram under annonsen.
Overlege Preben Aavitsland ved Folkehelseinstituttet seier til Dagbladet at omprioriteringa i mange kommunar ikkje vil vere noko problem.
– Dersom ein kommune har avgrensa vaksinasjonskapasitet, ber vi dei først vaksinere eldre over 65 år med oppfriskingsdose med koronavaksine før dei vaksinerer dei same med influensavaksine, seier Aavitsland.
(©NPK)
