Fekk berre éin søkjar til fire ledige sjukepleiarstillingar
– Den siste tida har vi opplevd at det er vanskeleg å rekruttere sjukepleiarar. Vi må arbeide for at det blir interessant å kome til oss, seier kommunalsjef Kirstin Bruland i Jølster kommune.
Nyleg lyste Jølster kommune ut fire heile, faste stillingar som sjukepleiar ved Skei omsorgssenter. Søknadsbunken var tynn – svært tynn. Berre éin person søkte. Det skaper utfordringar framover.
Auka løn
– Vi har slite med rekrutteringa tidlegare òg. Denne gongen prøvde vi å samle fleire småstillingar i heile stillingar for å sjå om det ville hjelpe på søkninga, seier Kirstin Bruland og kan berre konstatere at utfallet ikkje er blitt som ein håpte.
Også andre rekrutteringstiltak er sette i verk.
– Vi har auka løna til nyutdanna sjukepleiarar, slik at desse får løn tilsvarande seks års ansiennitet. Dette har ikkje hatt effekt inne på omsorgssenteret, seier ho.
Les meir i papirutgåva fredag.