Deler ut rekordstort utbyte
Sogn og Fjordane Energi (SFE) betaler ut 120 millionar kroner i utbyte til eigarane sine.
Det vart i år knytt stor spenning til utbyteutbetaling i kraftbransjen ettersom koronapandemien sette mykje på vent tidlegare i år.
– Valde å avvente
– Normalt tek SFE-styret stilling til utbetaling av utbyte i mars, når fjorårets resultat vert lagt fram, men i år valde SFE og fleire andre energiselskap å avvente avgjerda om utbyte. Årsaka var usikre tider som følgje av COVID-pandemien som nettopp hadde inntreft, seier konsernsjef Johannes Rauboti i ei pressemelding.
Artikkelen held fram under annonsen.
I styremøtet tysdag vedtok SFE-styret at utbytet skulle betalast ut.
Historisk høgt utbyte
Johannes Rauboti berømmer eigarane av selskapet for å tenkje langsiktig:
– Vi har solide og langsiktige eigarar i ryggen. Når eigarane mottek eit så stort utbyte, er det ein god premie til dei offentlege eigarane våre som over fleire år har sikra selskapet kapital til å vekse og utvikle seg.
Utbytet er det største ordinære utbytet frå SFE nokon gong.
Tre kraftverk er under bygging
SFE er i ein fase med høg aktivitet, med både Østerbø kraftverk i Høyanger kommune, Jølstra kraftverk i Sunnfjord kommune og Lutelandet vindkraftverk i Fjaler kommune under bygging.
– Eg er stolt over at vi i ei tid med høge investeringar og låge kraftprisar kan halde fram med å betale store utbyte til eigarane våre, seier konsernsjefen.
Utbyte pr aksjonær:
Sogn og Fjordane Holding AS 59 287 616
BKK AS 44 067 385
Artikkelen held fram under annonsen.
Kinn kommune 5 554 871
Gloppen kommune 4 136 740
Bremanger kommune 2 956 617
Askvoll kommune 1 769 722
Stad kommune 1 886 476
Sunnfjord kommune 92 173
Sum utbyte 119 751 599
