Busstreiken: Framleis fastlåst konflikt – heile landet ramma

Over 8.000 bussjåførar er tekne ut i streik rundt om i landet. Måndag morgon er det framleis ingen kontakt mellom arbeidstakarsida og arbeidsgivarsida.

Over ei veke etter at bussjåførar i Oslo og Viken gjekk ut i streik er det enno ingen samtalar på gang. Det opplyser kommunikasjonssjef i Yrkestrafikkforbundet Tormund Hansen Skinnarmo til NTB.

– Ikkje noko nytt, ingen kontakt, skriv han i ein SMS.

I helga vart streiken trappa opp, og ytterlegare 4.500 bussjåførar slutta seg til dei 3.800 sjåførane som allereie hadde lagt ned arbeidet.

Administrerande direktør Jon H. Stordrange i NHO Transport stadfestar òg overfor NTB at det ikkje er etablert nokon kontakt.

– Arbeidsgivarsida står fast på tilbodet sitt, som gir ein lønnsvekst på same nivå som andre yrkesgrupper har fått i årets oppgjer, seier han.

(©NPK)