Buss i grøfta på Sande

Fredag kveld køyrde ein buss frå Firda Billag i grøfta på Sande. Politiet melder elles om ei helg med normal aktivitet.

Fredag kveld køyrde ein buss som kom frå Florø i grøfta på fv. 615 på Sande. Det var ingen passajerar om bord. Bussen vart hengande på akslingeane og måtte dragast opp att på vegen av bergingsbil som kom frå Førde. Det tok litt tid, men det var så vidt passasje for personbilar på staden.

Normal helg
Av twittermeldingane frå politiet går det fram at det har vore ei relativt roleg helg med normal arbeidsmengde for lovens lange arm.
Natt til søndag kom det melding om heimefest ute av kontroll i Florø. Politiet kom til staden og mekla, og partane tok kveld og reiste kvar til sitt.
I Sogndal vart ein rusa mindreårig person køyrd heim, og i Florø vart to personar bortviste frå sentrum grunna plagsom framferd.
I måløy fekk politiet melding om slagsmål ved ein bensinstasjon i sentrum. Partane hadde gått frå staden då politiet kom. Saka vil bli følgd opp.
Alle desse hendingane skjedde natt til søndag.