Arbeidsinnvandrarar og studentar får lette i innreiserestriksjonane
Frå 1. juli opnar regjeringa for at utlendingar som har fått opphaldsløyve for å arbeide eller studere, kan reise til Noreg.
Dette gjeld mellom anna tredjelandsborgarar som er faglærte eller sesongarbeidarar i alle næringar, opplyser Justisdepartementet i ei pressemelding.
Fram til no har det berre vore tilgjenge til innreise for sesongarbeidarar i grøntnæringa og landbruket.
Artikkelen held fram under annonsen.
Når det gjeld studentar, vil alle som har fått opptak til studiar i Noreg, få reise inn. Unntaket er utvekslingselevar i vidaregåande opplæring og folkehøgskuleelevar.
Både arbeidsinnvandrarar og studentar vil vere omfatta av gjeldande karantenereglar ved innreise.
(©NPK)
