– Alle må framleis registrere seg
– Det er viktig at besøkjande hjelper oss med å oppretthalde rutinane knytte til besøk ved institusjonane våre, seier ordførar og leiar i krisestaben i Gloppen, Leidulf Gloppestad.
Måndag hadde kriseleiinga eit nytt møte for å drøfte stoda i kommunen i samband med koronapandemien.
Blir makulerte
– Vi må oppretthalde dei rutinane vi har hatt knytt til besøk ved tun og institusjonar. Alle må gje beskjed til avdelinga før dei kjem. Kvart besøk skal registrerast med namn og telefonnummer. Vi må vite kven som har hatt besøk av kven. Det er viktig med tanke på ei eventuell smittesporing i etterkant, slår Gloppestad fast.
Artikkelen held fram under annonsen.
Listene med namn og telefonnummer blir makulerte etter to veker.
– Vi har eit sterkt ønske om at vi også framover kan halde tun og institusjonar opne for besøk, men då må dei besøkjande hjelpe oss med å halde på rutinane, seier han.
Elles blir det gjennomført testing av innbyggjarar kontinuerleg. Det er også ønskjeleg at fleire nyttar høvet til å vaksinere seg for influensa i år.
