Alkohol- og tobakkskvoten blir stramma inn frå nyttår

Frå og med 1. januar neste år forsvinn høvet til å byte ut tobakkskvoten med 1,5 liter vin eller øl ekstra.

Endringa gjeld for varer kjøpte på taxfree og varer ein tek med inn til Noreg etter handel i eit anna land, til døems frå Systembolaget i Sverige.

Den nye kvoten blir dermed slik: Éin liter brennevin, halvannan liter vin og to liter øl; eller tre liter vin og to liter øl; eller fem liter øl; eller éin liter brennevin og 3,5 liter øl.

I tillegg kan ein ta med seg 200 sigarettar eller 250 gram annan tobakk og dessutan 200 sigarettpapir og hylser.

(©NPK)