100 millionar til høgare utdanning i distrikta
Nær 100 millionar kroner blir øyremerkte til desentralisert og distriktsrettet utdanning, under dette lærarskulen på Nesna, i det nye budsjettet til regjeringa.
For å leggje til rette for desentralisert utdanning over heile landet, inkludert vidareføring av ein lærestad på Nesna, vil regjeringa setje av i alt 98,8 millionar kroner til såkalla fleksibel og desentralisert utdanning.
Det går fram av tilleggsnummeret til regjeringa til statsbudsjettet som vart lagt fram måndag.
Artikkelen held fram under annonsen.
– Regjeringa startar med dette opp arbeidet med å reetablere ein fullverdig utdanningsinstitusjon på Nesna, heiter det i ei pressemelding frå Finansdepartementet.
(©NPK)
