100 år med bokhandel på Sandane

– Glopparane er eit lesande folk, smiler Hans Eikenæs. Han er tredje generasjon bokhandlar på Sandane.

Det er gått eit hundreår sidan Olav Eikenæs frå Stryn etablerte bok- og papirhandel på Sandane. Sonen Harald tok over verksemda i 1942, før dagens drivar Hans blei tredje generasjon eigar og drivar i 1989.

Stabilt boksal

– Folk les framleis bøker. Ein kan få bøker på papir – innbunde og i pocketvariant, lyd og brett. Boka skulle døy både då vi fekk radio, kino, fjernsyn og Internett, men boksalet har halde seg nesten stabilt, konstaterer Hans Eikenæs og fortel om stadig aukande handel i ei forretning som i dag har fleire bein å stå på.

Også leikar og kontorrekvisita/-inventar gjev viktige bidrag til omsetnaden som i fjor passerte 15,2 millionar kroner, ein auke på 2,5 millionar frå året før.

Les heile saka i papirutgåva fredag.