Opprop til støtte for kulturfaga i vidaregåande skule
Frå hausten av må elevar som vil ta dans- og drama opplæring i Vestland fylkeskommune, reise til Bergen. Det blir konsekvensen dersom fylkesdirektøren for opplæring får politikarane med på å ikkje vidareføre dagens tilbod ved Firda vidaregåande skule på Sandane. Vi som har skrive under dette oppropet, vil på det sterkaste ta avstand frå ei dramatisk nedbygging av kulturfaga i distrikts-Vestland. Vi treng dagens tilbod på Firda vgs. for å rekruttere nye talent til kultursektoren og gje dagens unge eit kreativt opplæringstilbod.
Utdanningsprogrammet i musikk, dans og drama på Sandane har vore ei stor inspirasjonskjelde for kulturlivet i Sogn og Fjordane. Det faglege nivået har vore høgt, elevane har utfolda seg i store oppsettingar på skulen og i samarbeidsprosjekt med til dømes Opera Nordfjord, Teater Vestland, Teaterfestivalen i Fjaler og mange andre viktige kulturaktørar i fylket. Vi ser også at mange av elevane frå Firda gjer karriere i det profesjonelle kulturlivet både i eige fylke og på riksscener rundt i landet. Å ta vekk dans- og dramatilbodet på Firda slik fylkesdirektøren no gjer framlegg om, kjennest som eit knyttneveslag både mot kulturlivet og skaparkrafta i fylket vårt.
Artikkelen held fram under annonsen.
Vi er klar over at søkjartalet til dans- og drama opplæringa på Firda vgs er relativt låg det komande skuleåret. Vi vil likevel be om at tilbodet vert starta. Tilbodet på Firda er det einaste dans/drama-tilbodet i distriktsdelen av Vestland. Vi veit at tilboda i Bergen er fylt opp med andre ungdommar. Dersom ein skal kunne ha bredde i opplæringstilbodet, og oppretthalde eit sterkt kompetansemiljø, må ein tole at det nokre år er noko lågare elevtal i enkelte grupper.
Det vil vere eit stort tap for kulturarbeidet i regionen vår om dans/drama tilbodet ved Firda vgs ikkje kjem i gang komande skuleår. Vi vil på det sterkaste tilrå at tilbodet kjem med i det endelege oppsettet slik at dei unge kan få oppfylt draumen sin om å stå på scena og skape rike kulturopplevingar for folk flest i bygd og by.
Sogn og Fjordane Folkemusikklag v/dagleg leiar Nikolai Storevik
Dans uten grenser v/dagleg leiar Elisabeth Bustos
Bergen Dansesenter-kompetansesenter for dans i Vestland v/leiar Liv Basberg
Teaterfestivalen i Fjaler v/Torkil Sandsund
Kulturskulerådet v/rådgjevar Kristin Geiring og styreleiar Kjell Høgseth Felde
Gloppen Musikkfest v/festivalsjef Ola Tennes og styreleiar Hanne Oftedal
Artikkelen held fram under annonsen.
Ose Kammerspel v/festivalsjef Ann Karin Ose
Jølster Jazzklubb v/leiar Hallvar Helgheim
Norsk Countrytreff v/leiar Vegar Sårheim
Glopperock v/Remi Tystad
Fjordblues v/leiar Hans Andenæs
Opera Nordfjord v/operasjef Kari Standal Pavelich
Førdefestivalen v/direktør Sølvi Lien
Høgskulen i Volda, avd. kulturfag v/ Jon Are Steen
Artikkelen held fram under annonsen.
Balejazz v/Sigurd Kvikne
Griegakademiet v/Randi Rolvsjord
OnCue Music Production v/Kristin Sandal og Stig Kamonen
Trivselshagen – kultur v/dagleg leiar Ola Tarjei Kroken
Gloppen Kulturskule v/rektor John Rune Ødven
Stryn Kulturskule v/rektor Ingrid Schei Stuhaug
Sunnfjord Kulturskule v/rektor Trude Skarvatun
Stad Kulturskule v/rektor Benedikte Dæmring
Artikkelen held fram under annonsen.
Kinn Kulturskule v/Rektor Arne Sunnarvik
Sogn Kulturskule v/rektor Roar Sandnes
Kulturskulen i Hyllestad, Askvoll og Fjaler v/rektor Mats Systaddal
Årdal Kulturskule v/rektor Sigyn Øren
Aurland Kulturskule v/rektor Katrine Clausen Fredheim
Danseverkstedet i Førde v/leiar Jorunn Reina
Teater Vestland v/teatersjef Cecilie Grydeland Lundsholt og direktør Aud Marie Aasen
Bergen Nasjonale Opera v/direktør Olaf Mackenzie og Eivind Gullberg Jensen