Kor og korps treng musikk, dans, drama på Firda

Kor og korps treng musikk, dans drama på Firda

Korpsa og kora i Gloppen har i alle år nytt godt av lærarkreftene på Firda vgs. Mange av dei er også knytte til Kulturskulen, som kor og korps har kjøpt dirigenttenester frå. For å kunne tilby heile stillingar har mange av lærarstillingane vore ein kombinasjon mellom undervisning på Firda og Kulturskulen. Dette har gjeve grunnlag for å tilby spennande stillingar for høgt utdanna musikarar og musikkpedagogar i distrikta.

Vi er klar over at det i første omgang er danse- og dramatilbodet som er truga. Andre høyringsuttalar har peika på symbiosen mellom alle tre kunstfaga ved skulen. Mange er difor redde for at dette er starten på slutten for kunstfaga i distrikta.

Kulturlivet i distrikta blir difor utarma. Med base i Gloppen har også desse lærarane dirigent- og musikaroppdrag i nabokommunane våre.

Som ein del av samfunnsoppdraget meiner vi Vestland fylkeskommune også må ha dette på vektskåla når kabalen skal leggast.

Hyen Blandakor, Breimskoret. Austrheim mannskor, Gloppen janitsjar, Breim og Sandane skulekorps, Rygg songlag, Hyen skulekorps, Jølster Musikklag, Kjølsdalen musikklag og Norges musikkorps forbund Nordvest