Slutt for Ikea-katalogen
Etter 70 år skal Ikea slutte å lage katalogar med møblar, innreiingsidear og andre produkt. – Rasjonelt, men kjensleladd, seier direktøren Konrad Grüss.
Katalogen vart distribuert for første gong i 1951, og vart etter kvart eit fast innslag i mange heimar i Sverige, Noreg og ei rekkje andre land. Ifølgje ei pressemelding frå Inter Ikea Systems, som driv franchising av møbelkjeda, vart katalogen på sitt høgdepunkt distribuert i 200 millionar eksemplar i 69 ulike versjonar, på 32 ulike språk.
I pressemeldinga skriv selskapet om minkande bruk av katalogen, og ei omstilling til meir netthandel.
Artikkelen held fram under annonsen.
– Behovet og bruken til kundane av media har endra seg, og katalogen har vore mindre i bruk.
Samtidig innrømmer selskapet at det er vemodig å ta farvel med katalogen.
– For både kundar og medarbeidarar er IKEA-katalogen ein publikasjon som bringar mykje kjensler, minner og glede, seier administrerande direktør Konrad Grüss i Inter Ikea Systems.
(©NPK)