To raske mål gav tre poeng
Jølster sitt herrelag i 5. divisjon slo Stryn 2 3-2 i Stryn måndag kveld.
Bortelaget tok leiinga ved Trond Vegard Ripe allereie etter to minutt. Stryn 2 utlikna like før pause.
To kjappe scoringar av Ripe og Odd Rune Dvergsdal i starten av 2. omgang sytte for tomålsleiing til dei grøne og svarte. Stryn 2 reduserte kort tid etter, men så var det slutt på målfesten på Stryn stadion og jølstringane kunne reise heim med tre poeng i lommane.