Sunde vann hesteskokastinga
Turi Sunde gjekk til topps i hesteskokastinga under Din Jølsterdag.
– Vi hadde innom vel tretti kastarar, der ti kvalifiserte seg til finalen. Dei fem beste gjekk så til ein superfinale, der alle vart premierte, fortel Trygve Bolset i Skjold Hesteskoklubb.
Normann Skrede, Gro Sårheim Dvergsdal, André Dvergsdal og Finn Elvebakk følgde på plassane bak vinnaren.
Hesteskoklubben hadde i år sett opp ein flott vandrepremie. No får Sunde inngravert namnet sitt på denne, og deretter blir han å sjå hjå Alf Helgheim & co. heilt fram til han blir vunnen tre gongar av same person. Vedkomande vil då få han til odel og eige.