Statsråden opnar E39 Bjørset - Skei

Måndag 26. august blir det markering av at E39 mellom Bjørset og Skei er ferdig. Samferdsleminister Jon Georg Dale skal klippe snora, skriv Statens vegvesen i ei pressemelding.

Markeringa går føre seg ved Jølster Panorama, campingplassen like ved Skei sentrum.

Arbeidet med prosjektet starta våren 2017, og det er Implenia som har vore hovudentreprenør. Strekninga Bjørset – Skei er elleve kilometer, og det er bygd separat gang- og sykkelveg mellom Årdal og Skei, i alt 6,2 km. Den nye vegen følgjer om lag same linja som gamle E39, men er breiare og har mykje betre standard med gul midtstripe.

Anleggsarbeidet er gjennomført på oppsett tid, og utan alvorlege skader.