Statsraaden måtte snu

Uvêret skapte problem for Nordfjord folkehøgskule sin årvisse tur til Shetland. 

Måndag føremiddag stemna Statsraad Lehmkuhl ut Gloppefjorden med kurs for Shetland. Om bord var elevar og lærarar ved Nordfjord folkehøgskule. Men tysdag kveld måtte den ærverdige skuta gje tapt for naturkreftene i Nordsjøen.

Stormen "Helena" var meldt med orkan i kasta, og skipperen bestemte at skuta måtte snu og gå i le ved Norskekysten.