Stadig færre gardsbruk

Det vart registrert nesten 800 færre jordbruksføretak i 2017 enn året før. På ti år har 9.600 bedrifter vorte borte.

Det var i 2017 registrert 40.388 jordbruksbedrifter i Noreg. Nedgangen frå 2016 er 1,9 prosent, viser tal frå Statistisk sentralbyrå som Nationen gir att.

– Stadig færre livnærer seg av å produsere mat i dette landet. Det er urovekkjande, mellom anna fordi det medfører at verdifull matjord går ut av drift, seier leiar Lars Petter Bartnes i Norsk Bondelag til avisa.

Det er gjennomgåande bruk med kyr og sau som går ut av drift. Det har vorte over 5.500 færre bruk med mjølkekyr og rundt 1.500 færre sauebruk på ti år. (©NPK)