Sparebanken set ned renta
Som følgje av at Noregs Bank nyleg sette ned renta, generell uro i økonomien og endra konkurransesituasjon, set Sparebanken Sogn og Fjordane ned både innskots- og lånerenta med 0,35 prosent.
For nye lån gjeld renteendringa frå 23. mars. For eksisterande kundar vil den nye lånerenta vere gjeldande frå 30. april 2020.
Koronaviruset skaper problem
– Vi ser at koronaviruset fører til økonomiske utfordringar, derfor har vi lagt til rette for ein enkel prosess for å få innvilga avdragsfritak på bustadlånet, seier Frode Vasseth, finans- og økonomidirektør i Sparebanken Sogn og Fjordane.
Ny beste rettleiande rente for kundar som skal kjøpe sin første bustad og grønt bustadlån er 2,60 % nominell rente, heiter det i ei pressemelding frå banken.