Snøskredfare på store delar av Vestlandet

Det er mykje fare for snøskred i indre strøk av Vestlandet måndag, åtvarar meteorologane.

Varsom.no har sendt ut oransje farevarsel for store delar av Vestlandet på grunn av vêromslag.

Varselet gjeld for Trollheimen, Romsdal, Sunnmøre, Indre Fjordane, Jotunheimen, Indre Sogn, Voss, Hallingdal, Hardanger, Vest-Telemark og Heiane.

Artikkelen held fram under annonsen.

Oransje farevarsel blir sendt ut når konsekvensane vil bli omfattande for mange menneske. Fleire stader har det regna i løpet av natta. Det er fare for at snøoverflater har vorte våte og mjuke, og derfor kan skred bli utløyst.

– Det kan også gå skred sjølv om det er varsla liten eller moderat fare, skriv Meteorologene på Twitter. (©NPK)