Spår pause for vindkraftutbygging
Etter eit tiår med stor aktivitet for vindkraftindustrien, spår vindkraftselskap rolegare tider dei neste ti åra.
– Konsesjonsprosessen som Tina Bru har foreslått vil ikkje gje nye konsesjonar før i siste halvdel av 20-talet. Det betyr at det ikkje kjem til å bli bygd noko særleg med vindkraft i perioden fram mot 2030, seier administrerande direktør i vindkraftselskapet Zephyr, Olav Rommetveit, til NRK.
Kanalen peikar samtidig på at Noregs vassdrags- og energidirektorat (NVE), som behandlar søknader om vindkraftkonsesjonar, har føreslege ein ny tidsplanen for konsesjonsbehandlinga. I praksis reknar NVE med at dette betyr at ein må venta til siste halvdelen av 2020-talet på dei fleste nye vindkraftkonsesjonane.
Artikkelen held fram under annonsen.
Denne tida vil Motvind Norge bruka til å styrkja engasjementet mot vindkraftutbygging både blant folk flest og politikarar. Leiar i organisasjonen Torbjørn Lindseth peikar på at Motvind Norge er den rørsla som veks raskast i Noreg. Målet til organisasjonen er å stoppa vindkraftutbygginga for godt.
(©NPK)