Sintef åtvarar mot å brenne juletreet

Når juletreet skal kastast ut kan det vere freistande å brenne det i peisen. Det aukar faren for pipebrann og slepp samstundes ut giftige gassar.

Det skrivet Sintef på nettsidene sine.

Nåler frå bartre er vanlegvis dekte med eit lag voks og har eit innvendig nettverk av kanalar som er fylte med kvae/harpiks. Både voks og kvae er bestanddelar som tek fyr og brenn særs lett. I tillegg har barnåler eit mykje høgare innhald av nitrogen enn greiner og stammevirke, eit element som ved ugunstige forbrenningsvilkår dannar fleire ekstremt giftige, kvelande, irriterande og etsande gasskomponentar, skriv dei.

(©NPK)