Reksnes blei attvalt
Sigurd Reksnes frå Haugen i Stad kommune blei laurdag attvalt som sentralstyremedlem i Senterpartiet i to nye år.
– Eg er veldig glad for å bli attvalt til sentralstyret. Motivasjonen for å drive politisk arbeid framover er heilt på topp, seier Reksnes i ei pressemelding.
Senterpartiet er i helga samla til landsmøte i Trondheim.
Artikkelen held fram under annonsen.
Trygve Slagsvold Vedum blei attvalt som leiar i partiet, Ola Borten Moe som første nestleiar og Anne Beathe Tvinnereim som andre nestleiar for to nye år.
Som nye faste medlemer i sentralstyret blei Ida Stuberg frå Trøndelag og Lars Fjeldstad frå Hordaland valde.