Rekordlåge straumprisar
Fulle vassmagasin gjer straumprisane i Noreg rekordlåge.
Fyllingsgraden i norske vassmagasin er på 89,5 prosent etter all nedbøren i Noreg hittil i år. Det har ført til historisk låg straumpris i Noreg, skriv NRK Vestland.
Prisen har vore så låg at nokre stadar har folk fått betalt for å bruke straum.
Artikkelen held fram under annonsen.
Straumrekninga består av avgifter og nettleige, men prisen som handlar om sjølve straumforbruket er nesten null.
Direktør for marknad, elektrifisering og kundar i Energi Noreg, Toni Løvseth, trur den låge straumprisen vil vare i månadane framover.
– Vi har tre gonger så mykje snø i fjellet som normalt, som vil smelte til hausten. Vi har ein heilt ekstremsituasjon på tilbodssida, seier Løvseth til NRK.
(©NPK)