Stengsler eller forbodsskilt som er sett opp for å hindre folks lovlege øtøving av allemannsretten er ulovleg. Dette følgjer av friluftsloven § 13.Kommunen kan med heimel i friluftsloven § 40 krevje at ulovlege stengsler blir fjerna. Illustrasjonsfoto: Gorm Kallestad/NTB/NPK.

Opprydding av strandsona har behov for kontinuerleg oppfølging

Til no er 6 av 23 kommunar rundt Oslofjorden i gang med å kartleggje og følgje opp stengsler i strandsona. Friluftsrådet meiner at det er viktig at arbeidet ikkje stoppar opp.

Blant kommunane som er i gang med kartlegginga er Asker, Oslo, Fredrikstad, Sarpsborg, Moss og Færder.

Fleire kommunar ønsker å gjere tilsvarande kartleggingar, ifølgje assisterande direktør Kjetil Johannessen i Oslofjorden Friluftsråd.

Artikkelen held fram under annonsen.

– Vi er heilt avhengig av å ha tilgang til områda, friområda og strekningane som er tilgjengelege i dag, seier friluftslivsdirektøren til NRK.

Johannesen understrekar at arbeidet har behov for ei tett oppfølging for å unngå at nye hindringar dukkar opp.

– Vår sterke anbefaling er at kommunen har kontinuerleg fokus på strandsona og har personar som kan jobbe med dette til kvar tid, understrekar Johannesen til NRK.

Hittil har Færder kommune berre fått positive tilbakemeldingar på at dei vil ta tak i hindringar i strandsona. Det fortel leiar for utval for kommunalteknikk Karen Lie (Ap) som behandlar strandsonesaker.

– Vi skal få opna kor allmenta har blitt stengt ute, eller skremt frå å ferdast der dei har lov til å gå, kommenterer Karen Lie (Ap) til NRK. (©NPK)