Opnar ikkje for tungtrafikk
Større køyretøy kan ikkje rekne med å kome forbi rasstaden på Fv 5730 i Austredalen i Hyen med det første.
Måndag morgon blei vegen til Gjengedal opna for bilar under 3,5 tonn etter å ha vore stengd som følgje av ras sidan fredag.
Ordførar Leidulf Gloppestad har tysdag vore i kontakt med vegeigar Vestland fylkeskommune, og meldinga derifrå er klar: vegen blir heilt sikkert ikkje opna for større køyretøy før i neste veke.
Artikkelen held fram under annonsen.
Årsaka er at det tek tid å utbetre skadane.
Inntil vidare er vegen nattestengd frå kl. 23.00 til 06.00 for alle køyretøy.