Nesten 300.000 flaug med Widerøe i august
297.000 passasjerar flaug med Widerøe i august. Det er ein vekst på 22 prosent mot same månad i fjor.
Tala svarer også til ein vekst på 15 prosent samanlikna med 2019.
Det er spesielt destinasjonane Bergen, Bodø, Trondheim og Ålesund som bidreg til stor vekst, skriv selskapet i ei pressemelding.
Artikkelen held fram under annonsen.
Kabinfaktoren, som seier kor fulle flya var, låg i august på 66,5 prosent, mot 60,3 prosent førre månad.
– Vi er svært glade for å avslutte sommaren med endå ein sterk månad, seier konserndirektør i Widerøe Stein Nilsen.
Etter ein sterk reisesommar i Noreg forventar Widerøe ein noko svakare marknad gjennom vinteren. Høg inflasjon og stigande renter er forventa å dempe etterspurnaden noko framover. (©NPK)