NAF krev meir vedlikehald av vegar
NAF meiner Nasjonal Transportplan som blir lagt fram til våren, må innehalde ein plan for å ta igjen vedlikehaldsetterslepet på dei norske vegane.
– Det ligg mykje kvardagstryggleik for folk i å reparere hol og usikre vegskuldrer, seier Camilla Ryste, kommunikasjonssjef i NAF, i ei pressemelding.
Ho oppmodar samferdselsminister Knut Arild Hareide til å prioritere ein plan for å ta igjen vedlikehaldsetterslepet på norske vegar når Nasjonal Transportplan skal leggast fram våren 2021. Ryste fortel at NAF-bladet Motor har berekna at etterslepet på fylkesvegane er på over 60 milliardar kroner og at talet er stigande.
Artikkelen held fram under annonsen.
I partiprogrammet til KrF heiter det at «reduksjonen i vedlikehaldsetterslepet på statens vegar må fortsette, og innsatsen på fylkesvegane må styrkes kraftig gjennom økte løyvingar». I 2021 er det stortingsval og siste moglegheit til å vise at dei kan levere på løfta om ein kraftig auke i løyvingane, skriv NAF.
(©NPK)