Marknadshagar skal styrkja lokal grønsakproduksjon
Fylkesmannen i Vestland, Trøndelag, Oslo og Viken skal saman med lokale aktørar etablere såkalla marknadshagar for å auke småskala produksjon av grønsaker.
Det fortel Landbruks- og matdepartementet i ei pressemelding.
Marknadshagar blir forklart som ein internasjonal modell for allsidig småskala produksjon av grønsaker. Tiltaket er kjenneteikna ved at produksjonen går føre seg i konsentrert form i faste bed med ein storleik på 1–5 dekar. Mange har også ein mindre produksjon i tunnel for å forlengje sesongen, heiter det.
Artikkelen held fram under annonsen.
Målet med tiltaket er å skape ein lønsam produksjon og omsetje lokalt. Tanken er at salet skal skje gjennom REKO-ringar, andelsbruk, abonnentkassar, restaurantar eller andre matutsal.
Tilrettelegginga av marknadshagar i dei fire fylka skal skje i samarbeid med aktørar i Sverige, og verksemder som ønskjer å drive etter denne modellen kan mellom anna få kurs og rådgjeving. Det er også mogleg å søkje om oppstartsstøtte frå Innovasjon Noreg.
Målgruppa er interesserte gartnarar og bønder som anten har eige gardsbruk eller ønskjer å leige produksjon ti kortreiste grønsaker, heiter det.
(©NPK)