Mann varetektsfengsla etter knivstikking på Nordfjordeid
Ein mann i 20-åra er varetektsfengsla med brev- og besøkskontroll i to veker etter ei knivstikking på Nordfjordeid søndag.
Mannen erkjenner straffskuld, og har også erkjent handlingane slik dei er skildra i siktinga. Han har gitt ei utfyllande politiforklaring, ifølgje rettsavgjerda frå Sogn og Fjordane tingrett.
Politiet fekk melding om hendinga, som fann stad i ein bustad på Nordfjordeid, like før klokka 09.30 søndag. Det var mannen som er sikta i saka som sjølv varsla om knivstikkinga.
Artikkelen held fram under annonsen.
Ein mann i 20-åra vart skadd i valdsepisoden. Han er førebels ikkje avhøyrd, men påtalemakta håpar å få gjennomført eit avhøyr av han ein av dei næraste dagane. (©NPK)
