Kulda forårsakar frostskadar for 100 millionar

På landsbasis er det så langt i 2021 registrert skademeldingar for inntil 100 millionar kroner for frostskadar på vassrøyr, viser eit anslag frå Gjensidige.

Mange hus- og hytteeigarar får i desse dagar problem med frosne vassrøyr. Basert på forsikringsselskapet Gjensidiges eigne tal og marknadsdel, er det estimert førebelse erstatningar for inntil 100 millionar kroner for alle forsikringsselskap. Ein frostskaden kostar i gjennomsnitt 60-80.000 kroner, skriv Sirdalmedia.

– Vi ventar fleire skadar når kulda gir seg. Det er fordi folk ofte ikkje merkar at vatnet har frose før det blir mildare i vêret, seier kommunikasjonssjef Bjarne Rysstad i Gjensidige til avisa.

(©NPK)