Gloppen innfører nye smitteverntiltak
Gloppen kommune gjer grep som følgje av aukande smittetrend.
– I nabokommunar (t.d. Stryn) er der større smitteutbrot, med mange smitta på kort tid. Med bakgrunn i dette, innfører kommunen igjen tiltak for å hindre at smitten spreier seg for raskt i Gloppen, og at vi unngår at for mange kommunalt tilsette i kritiske posisjonar (hovudsakleg innanfor helse og omsorg) vert sjuke samstundes, skriv kommunedirektør Anders Skipenes i ei pressemelding torsdag ettermiddag.
Tiltaka inneber at alle møte vert digitale, og at heradshuset igjen blir stengt for besøkjande. Tilsette som har høve til å arbeide frå heimekontor skal i størst mogleg grad gjere dette.
Artikkelen held fram under annonsen.
Tiltaka vert sette i verk frå og med i dag, og vil gjelde inntil vidare.
