Gaularfjellet opnar likevel 1. mai
Fylkespolitikarane i Vestland gjekk onsdag inn for å at den nasjonale turistvegen over Gaularfjellet blir opna 1. mai, trass i at fylkesrådmannen hadde rådd til å utsetje opninga ein månad.
Det fortel NRK etter at Utval for samferdsel og mobilitet onsdag gjorde eit samrøystes vedtak i saka.
Den vinterstengde vegen brukar kvart år å bli opna seinast 2. mai, men på grunn av store snømengder på vegen har vegstyresmaktene i år føreslege å venta med å opne vegen til 1. juni.
Artikkelen held fram under annonsen.
Dette blir det no ikkje noko av. Jenny Følling (Sp) er blant dei som er letta over vedtaket.
– Svært gledeleg og viktig for reiselivsnæringa, seier ho i ein kommentar til NRK.
(©NPK)
