4. klassingane fekk besøk av redaktøren

Denne veka er det nasjonal avisveke i grunnskulen. I dag fekk 4. klasse ved Nordstranda skule vitjing av redaktøren i Firda Tidend.

Målet med avisveka er at elevar i 4., 6. og 9. klasse skal få dagsaktuell undervising gjennom å orientere seg i lokalavisa på ulike medieplattformer.

Opplegget er basert på samarbeid med lokalavisa, og redaktør Aadne Gloppestad er i dag på plass på Nordstranda skule for å fortelje om korleis det er å lage lokalavis for Gloppen og Jølster.