**Gloppen:** 123 elevar starta i helga på eit nytt og innhaldsrikt år ved Nordfjord folkehøgskule. Det er litt færre elevar enn i fjor, men det femte beste elevtalet nokon gong. I år har vi også hatt ventelister på nokre linjer, seier rektor Tore Humstad.

Nomil har teikna kontraktar for over 50 mill. kroner

Aadne Gloppestad aadne@firdatidend.no

Publisert: 27.08.2013 08:00 Sist oppdatert: 10:00

Den klart største kontrakten gjeld innsamling og transport av hushaldningsavfall, med andre ord det vi abonnentane leverer i bossdunkane våre i tillegg til sekkane med plast. Det gjeld matavfall, våtorganisk avfall, papp/papir og plastemballasje frå rundt 11.600 abonnentar. Det skal transporterast til Nomil sitt anlegg i Eidsmona.

I dag har Olav Tenden Transport denne kontrakten som omfattar alle kommunane i Nordfjord. Med verknad frå første juni 2014 tek selskapet RenoNorden over.

Det var tre tilbydarar. Dei to andre var i tillegg til Tenden, Norsk Gjenvinning Renovasjon, fortel dagleg leiar Svein-Ottar Sandal. Han opplyser at det var lite som skilde mellom RenoNorden og Tenden Transport. I tildelinga av kontrakten var pris vekta med 80 prosent, kvalitet og gjennomføring 20 prosent.

Med så stor vekt på pris, vart prisen nokså avgjerande. Alle tilbydarane er innan i denne bransjen frå før og har god kvalitet. Vi er godt nøgde med måten Olav Tenden Transport har gjennomført kontrakten på, men i tildelinga har vi måtte følgje spelereglane for anbodskonkurransar, seier Svein-Ottar Sandal

Den årlege kontraktsverdien er om lag 9 mill. kroner eks. mva. Kontrakten gjeld i fem år med opsjon på forlenging. Verdien er såleis rundt 45 mill. kroner.

Les meir om Nomil i måndagsavisa.